من تصهل المهره تريد جف خيال
موياهو الأجه وتخيل المهره 
عگالي السان عنده ولوحجه بديوان 
يسكتهن سوه الجفيه والغتره 
تندل الكحيله الفارس المهيوب 
يعمي وداعتك هي الزلم شمره 
حرف جر أغتصب بخلاقك العذراء
شگل للسلف بت الشيخ موعذره 
من جراك حرف الجر كسرلك عين 
والمكسوره عينه الزلم تحتقره 
لذلك گمت أعربك أسم ناقص راي 
أسم مكسوره عينه وجرته الكسره 
المايستحي نعرفه الگطره منه أطيح 
والخده وصخ مايستحق صطره 
الگصه التنفشخ بحجايه تنزف ماي 
الخجل عنهه مسافه وعن بعد شمره 
انتفض وجهك وطاح وباس خد الگاع
وطاحت گصتك وياه والگطره 
حجاره الماتعجبك بالك تأذيك
حجمهه زغير بس توگف حجر عثره 
دخذ عبره زغير البلبل ومهيوب 
من يطگ وجه يترك وراه ثغره 
الدليل ألشجره حدر أجدامه ترجف خوف 
شائت أم أبت ظل تاج عالشجره 
ترجمتك شعر وأطيتك أستحقاق 
ألمثلك بالمزامط يصفن الگدره 
انه ويه القصيده شبه أبره وخيط
أخيطهه بملح وتغزر العشره 
نزر قلمي أوكح شيكظه من يهجيك 
تحذر من سكوت المانشف حبره 
حجاهن عالمنصه الصوره والموضوع 
وأعد صاحاله وحي الشعر عالفطره 
صفگ مو بجفه الوحي شگد ذواق 
صفگ بذنه لمن هزته الفكره 

                                        
                                امير عامر السلمان