بعدني الطاري جيتك لازم الباب
وبعدهه الصورة بوية تغازل العين
وبعد ســـــبحة صلاتك تنطر اذان
وعلة واهس صلاتك احنه عدلين
الك وياي جان اعـــــتاب وعتاب
ونه غافي وغشــــيم بذيج السنين
تعال وعيدهن صدكني ما ضوج
بس كون بصـــــــداهن يبعد البين
الموادع صعب والاصعب الصار
شلت بســــــاع عني وما كلت وين
محتاجك بعدني استعــــــجلت ليش
همـــــوم هواي عندي ابديلك منين
تعــــــال وارد اكلك بويه عطشان
بعدني الشــــــــوفتك لتكلي ماشين
تعــــــــال وارد اكلك بويه الفراك
ماخلـــــــــــــف ابد بس النياشين
تعال غيـــــــاب طولك بين وياي
انكشف كصري وتهت وسط الميادين
تعال وراح اضل كل عمري اناديك
الك محـــــــــــتاج تمسح دمعة العين
ذبلني الســـــــــهر والقهر والخوف
ولفاني الحـــــــــــــزن لفة مجانين
شماســــــــــولف وكولن حلم وتعود
يندهـــــــــــــني الحلم ويكلي ميتين
التعليقات