للشاعر مالك الموسوي

الوفه بكبره انه منطيه بالوفه دروس
وي المال ابد بالريح ما اميل

سجيلك وصلني اشعجب معقول
انا جاي احج بيتك ماجبت فيل

ميّز من حجولك موش قرآن
فتن لكن حجوها بلحن ترتيل

فرق كاع وسمه اتساويهن اشلون
رگصة كاولي وردحت مهاويل

واضح اوضح من النار بالليل 
كلامي وياك مايحتاج تأويل

مو كتلك كبل للفتنة تجار
اجوك وجانو ابعازت معاميل

عاديت الورد ومرافج الشوج
برّيت ابرهه ودنت الابابيل

الذنب تلكاه بالمكتول مرات
مو كل الكتل يتسمه قابيل

وعلى الهد ابتفگته اتريد شنگول
عثر وتملطخ ابدم المچاتيل

يالمخلي بمچان الشمس فانوس
صدكت الجرح بالخنجر ايعيل

اجه يذبحك بسيف الفتنة بسكوت
نفسه الكالك من سيفك ادخيل

احذفه من الاصل خربطلك افكار
القانون  العوج مو مال  تعديل