قصيدة (شهكه وزلف)
بقلم الشاعر علي الزهيري

جيب ليلك خاطر اظفرلك گصيبه.
ومرني لو غلطت حلم.
وجيب خيط من الشمس ظمه بشليلك.
لايفز يمك نجم.
وخل سوالفنه مثل شهگه وزلف...
سجة الحطاب شجره...
وسجة العاشگ ولف...
وجيب جلماتك الصلفه ..ولاتجيب اليستحن.
محد يفرزنها گاعي..
بس الاحساسه وطن.
من تمر نسمة ربيعك
انفض بروحي عشگ.
تطيح من عندي تراجي لمن تهزني عثگ..
وانت تدري ...
بعيني شمرة شوف بس كصرها جدمك
ماروت عيني خضار.
وبادت اخيوط الضوه ومتاني حلمك..
بس حصد رمشي النهار..
وخاطر اتبده اعله بالك...
تعوذت روحي واجيتك ...
لاترد بيه الامس..
ليش تتعافه اعله غصنك...
 حوبة الشجره شمس
ومن اطيح بصدري اتلگه ال عليه..
وماتعب حلگه رغم بالسانه ديره من السوالف
الاخرس يتعبن اديه ...