بقلم الشاعر اركان الخفاجي 

انه جرحي أمنهل لو من غريب يهون
لاطاب أعلعله ولا قبل يضمد
جرح البالجلد يمكن شهر ويطيب
بس جرح الگلب مشكلته ماينشد
ينشدوني وأگلهم عايش انه بخير
ونه بصدري النفس لو نزل ما يصعد
خلصت الأصا" بع بالحساب وياك
بأول جرح منهن تيهيت العد
أبچي أعللدرب بلكت تخضر جاي
جرد لون العيون الچان حيل أسود
أضحكلك چذب وبروحي طف وخيام
أمنهد عاشور بيه ومارضت تخمد
صرت مثل الحطب أشتعل يالله أنشاف
اظل أكل بروحي وما أگل لحد
وديت برجل كل طير الك مرسال
يرد مكسور خاطر ما أجاني برد
جروحك عافيه بشوفتهن انه ارتاح
من اشتاگلك الچمهن اتعمد
لاقدو قميصي وحتى أجيب شهود
لو بهدومي اشوه بگلبي صار القد
ياهو اليدخل بگلبي ويشوف الصار
بس انته الدخلت وانته ماتشهد
اليعرگ مستحه لا تحجي يمه بريح
مثل طبع الغضه يشتعل من يبرد
خلصت الهلا الظلالك الله وياك
تره المبيوع يرخص او انباع ورد