للشاعر رياض كامل سواري

     المفارك عزيز يتيه منه الراي 
     خلصت العمر ومناطره الجيه .

عيوني مشبحات اعله الدرب ترجاك
                 مر بيه حلم يالماتمر بيه .

خيبت الضنون وجنت ازامط بيك
        ومنادس شماته اعيونها اعليه .

انه اضحك جذب وبگلبي طر فرگاك
             ماينشل يهيج البعد يوميه .

انجوم البلسمه توحيلي روحه هناك
        وسولف وي عطارد همي ليليه .

لايطبگ جفن لا شفت راحت بال       
من يوم العفتني همومي مطويه .

كل خادم خدم لحسين گبره اينور 
             مواعد ابجنه وبيها حوريه .

بس يمه الولد يكسر ظهر لوراح 
             من نسمع يدك دمام تعزيه .

كل عاشور مر وانته تخدم بيه       صوتك ضل يداعب اذني ترچيه .

اذا عدكم عزاء هناك غاد ايصير 
             والرادود انته وبيها لطميه .

لاتبخل ييمه انطيني بس الصوت 
              تلگاني بگبر وياك مرچيه .

مثلج بالصبر ماظن صبر ايوب 
             مولاتي يزينب ها يمسبيه .

ضناي ابخدمتج يخدم اهل البيت
             خليله مچان ويگعد ابفيه .

امنتج امانه وليدي هذا وياج 
         وانتي للامانه الروح تضحيه .

انه ادري دعاء ام الولد مسموع 
        من گلبي نخيتچ صافيه النيه .

وانتي ام الخدر معروفه من ننخاج 
           كل طلبه التحطها بأيد راعيه